5-12-2024, 16:44
A
+Avropa Statistika İdarəsi (Eurostat) Milad bayramı dövrünün yaxınlaşması ilə əlaqədar 27 üzv ölkənin 2023-cü il üçün oyuncaq idxalı ilə bağlı məlumat dərc edib.
Söz.az xarici KİV-ə istinadən xəbər verir ki, Avropa İttifaqına üzv ölkələr keçən il oyuncaq idxalına 6,5 milyard avro xərcləyib.
2023-cü ilə görə bu məbləğ ondan öncəki ildən 2 milyard avro azdır.
Bu dövrdə Çin Avropa İttifaqı ölkələrinə oyuncaq idxalında birinci yerdədir. Ölkələr Çindən 5,2 milyard avro dəyərində oyuncaqlar aldığı halda, Aİ-nin oyuncaq idxalında Çinin payı 80 faizə çatıb.
Çini 367 milyon avro ilə Vyetnam və 150 milyon avro ilə Böyük Britaniya izləyir.
Oyuncaq idxalının 18 faizi Almaniya, 16 faizi Fransa və 14 faizi Hollandiya tərəfindən həyata keçirilib.
