Bu seriala çəkilmək üçün 32 min uşaq müraciət etdi - VİDEO

Amerikanın “Warner Bros. Discovery” şirkəti 2025-ci ilin yayında “Harri Potter” serialının çəkilişlərinə başlayacaq.

Söz.az xarici KİV-ə istinadən xəbər verir ki, bu barədə dekabrın 5-də “Variety” jurnalı məlumat yayıb. 

Prosesin əvvəllər gənc sehrbaz haqqında filmlərin çəkildiyi Leavesdendəki məşhur meydançada baş tutacağı bildirib.

Baş rollar üçün kastinqə 32 minə yaxın uşaq müraciət edib. 

Hər gün seçim komitəsi yekun qərar vermək üçün 500-dən 1000-ə qədər müraciəti nəzərdən keçirir. Kastinq 2023-cü ilin sentyabrında başlayıb, lakin baş qəhrəmanları canlandıracaq gənc aktyorların adları hələ açıqlanmayıb.

“Harri Potter” kitabları əsasında çəkilən serialın elanı 12 aprel 2023-cü ildə HBO tərəfindən edilib.