7-12-2024, 09:19
A
+ABŞ-nin federal məhkəməsi mart ayında Çin sosial media platforması TikTok-un ABŞ istifadəçilərinin məlumatlarını topladığı səbəbiylə qadağan edən qanunu yenidən gündəmə gətirib.
Söz.az xarici KİV-ə istinadən xəbər verir ki, Kolumbiya Dairə Apellyasiya Məhkəməsi “TikTok”-un qanuna qarşı çlxması iddiası ilə bağlı qərar çıxarıb.
Üç hakimdən ibarət Apellyasiya Məhkəməsi heyəti “TikTok”-un Çindəki baş şirkətindən məşhur sosial media tətbiqini satmasını və ya girişin qadağan edilməsini həmçinin bloklanmasını tələb edən qanunun lehinə səs verib.
Məhkəmə heyəti “TikTok”-un qadağanı Amerika Konstitusiyasının 1-ci maddəsindəki ifadə azadlığına və ABŞ-nin “açıq internet” siyasətinə zidd olduğu iddiasına qarşı çıxıb və deyib: “Burada hökumət azad sözü xarici düşmən ölkədən qorumaq və həmin düşmənin ABŞ-dəki insanlar haqqında məlumat toplamaq imkanlarını məhdudlaşdırmaq üçün hərəkətə keçib. Bu səbəblərə görə ərizə rədd edildi”.
Qərarda sosial şəbəkənin qanunun qüvvəyə minəcəyi 19 yanvar 2025-ci il tarixinə kimi ləğv edilməsi lazım olduğu,
əks halda ABŞ-də istifadə edilə bilməyəcəyinə diqqət çəkilərək, satış prosesindəki inkişaflardan asılı olaraq prezident Co Baydenin qadağaya qarşı 90 günlük uzadma verə biləcəyi də xatırladılıb.
