24-10-2024, 10:55
A
+Afyonkarahisarda şagirdləri götürməyə gedən avtobus qarşı tərəfdən gələn avtomobillə toqquşub.
Soz.az News24.az-a istinadən xəbər verir ki, qəza Sandıklı rayonunun Alagöz kəndi yaxınlığında baş verib.
Əldə edilən məlumata görə, nömrələri və sürücülərinin adları hələ dəqiqləşdirilməyən şagirdləri daşıyan avtobus qarşı tərəfdən gələn avtomobillə toqquşub.
Avtobusun boş olması baş verə biləcək fəlakətin qarşısını alsa da, avtomobildə olan 5 nəfər ağır xəsarət alıb.
Yaralılar ətrafdakıların xəbər verməsindən sonra hadisə yerinə gələn təcili yardım maşınları ilə xəstəxanalara aparılıb.
Jandarma qruplarının bölgədəki işləri davam edir.
