Bu batareya ilə cihazlar 5 min il işləyəcək

Britaniya alimləri az enerji sərf edən cihazları 5000 ildən çox enerji ilə təmin edə bilən karbon-14 almaz batareyası texnologiyasını hazırlayıblar. 

Söz.az xarici KİV-ə istinadən xəbər verir ki, yeni nəsil akkumulyator radioaktiv karbon-14 izotopundan istifadə etməklə istehsal olunur və bu yenilik enerjinin saxlanması sahəsində inqilabi dəyişiklikləri vəd edir.

Bristol Universitetinin Material Elmləri professoru Tom Skott, "Biz hələ ilkin mərhələdəyik, lakin bu texnologiyanın potensial kommersiyalaşdırılması üçün sənaye tərəfdaşlığı qurmağı hədəfləyirik" deyib.

Almaz batareyalar davamlı mikrovat səviyyəsində təhlükəsiz və davamlı enerji təmin etmək imkanı təklif edir.

Alimlər batareyanın ömrünün sonunda təkrar emal oluna biləcəyini və ətraf mühitə təhlükə yaratmayacağını vurğulayırlar.