İran hərbçilərə müharibəyə hazır olmaq əmri verdi

İsraildən gözlənilən cavab zərbəsinə hazırlaşan İran hakimiyyəti silahlı qüvvələrə müharibəyə hazır olmaqla bağlı göstəriş verib. 
Soz.az xəbər verir ki, bu barədə “The New York Times” (NYT) dörd İran rəsmisinə istinadən məlumat yayıb. 
Bildirilib ki, İranın ali dini lideri Ayətullah Əli Xamenei hərbçilərə İsrailin hücumuna cavab vermək üçün bir neçə plan hazırlamağı əmr edib. 
Məlumata görə, İsrail İranın neft və enerji infrastrukturuna və ya nüvə obyektlərinə hücum edərsə, mütləq cavab veriləcək.