Təcili əməliyyat olunan aktyorun yeni fotosu

Türk kinosunun məşhur aktyorlarından olan Kadir İnanırın yeni görüntüsü yayılıb.

Söz.az “Haber Global”-a istinadən xəbər verir ki, mart ayında beyin damarında yaranan laxtalanma səbəbindən ehtiyat təcili əməliyyata alınan aktyorun fotosunu kinoprodüsser Ali Gündoğdu paylaşıb. 

75 yaşlı Kadir İnanırı evində ziyarət edən A.Gündoğdu “Hörmətli sənətçimiz və ağsaqqalımız Kadir İnanırın səhhəti günü-gündən yaxşılaşır. Ümid edirik ki, tezliklə sağlamlığına qovuşacaq” sözlərini yazıb. 

Qeyd edək ki, martın 24-ü evində səhhəti ağırlaşan aktyor əməliyyat olundan sonra aprelin 1-də reanimasiyadan çıxarılıb və aprelin 4-də evə buraxılıb.

Kadir İnanır iyul ayında yenidən xəstəxanada müalicə olunub. Aktyorun 23 illik həyat yoldaşı Julide Kural infeksiyaya görə xəstəxanaya getdiklərini və həkimlərin İnanırı ehtiyat tədbiri olaraq reanimasiyada müşahidə altına aldıqlarını açıqlayıb.