102 uşağı, 578 nəvəsi olan kişi - VİDEO

Dünyanın bir çox ölkəsi doğum nisbətlərinin aşağı düşməsi və əhali problemi ilə mübarizə apararkən, Uqandadan gələn bir xəbər dünya gündəmdə səs-küyə səbəb olub.

Söz.az xarici ""haberler.com"-a istinadən xəbər verir ki, Şərqi Uqandanın Mukiza kəndində yaşayan Musa Hasahya Kasera adlı kişi 12 həyat yoldaşından ümumilikdə 102 uşağı olduğunu açıqlayıb.

70 yaşlı Musanın uşaqlarının sayı o qədər artıb ki, onların adlarını xatırlamaqda çətinlik çəkir. 

O, bütün övladlarının adlarını dəftərə qeyd edir. Hazırda onun 578 nəvəsi var.

Həyat yoldaşlarının hər birindən orta hesabla 8-9 uşağı olan Musa bu qədər böyük ailəni dolandırmaqda çətinlik çəkir. 

Aclıq və məhdud imkanlarla mübarizə aparan ailə əsas ehtiyaclarını qarşılamaqda acizdir.