29-10-2024, 09:46
A
+İsrailin baş naziri Benyamin Netanyahunun parlamentə pilotsuz uçuş aparatları (PUA) ilə hücumdan qorxduğu iddia edilib.
Söz.az xəbər verir ki, bu barədə İsrail dövlət televiziyası məlumat yayıb.
Bildirilib ki, Netanyahu parlamentin qapalı iclasında "İndi parlamentə PUA hücumu olsa, hara gedəcəyik? Ən çox qorxduğum PUA-lardır. Raketlərlə mübarizədə yaxşı sistemlərimiz var. Parlament niyə başqa yerdə deyil, hər dəfə eyni yerdə toplandığını anlamıram” deyib
Baş nazirlik xəbərlərdə yer alan iddialarla bağlı açıqlama verilməyib.
Qeyd edək ki, oktyabrın 19-da Livandan buraxılan pilotsuz uçuş aparatı (PUA) İsrailin şimalındakı Qeysəriyyə şəhərində baş nazir Benyamin Netanyahunun iqamətgahının yerləşdiyi əraziyə düşüb.
İsrail baş nazirliyindən verilən açıqlamada, baş nazir Netanyahunun Qeysəriyyədəki evinə doğru PUA-nın atıldığı təsdiqlənib.
Açıqlamada hadisə zamanı Netanyahunun və həyat yoldaşının evdə olmadığı, həmçinin hadisənin xəsarətsiz ötüşdüyü iddia edilsə də, məsələ ilə bağlı ətraflı məlumat verilməyib.
Netanyahunun iqamətgahı olduğu deyilən evdəki güllə keçirməz şüşənin zədələnməsi sosial mediada paylaşılıb.
