Təyyarədə dava düşdü - Pilot...

Türkiyə aviaşirkəti olan "Pegasus"-a məxsus təyyarə Ukrayna vətəndaşlarının iştirakı ilə baş verən dava səbəbindən Ərzurum hava limanına məcburi eniş edib. 

Söz.az xəbər verir ki, bu barədə Türkiyənin NTV telekanalı məlumat yayıb.

Məlumata görə, təyyarə Antalyadan Astanaya uçmalı olub.

Uçuşun ilk dəqiqələrində təyyarədə ukraynalı cütlüklə qazaxıstanlı qadınlar arasında dava düşüb. Münaqişə davaya çevrilib.

Bələdçilər dava edənləri ayıra bilməyiblər. Bundan sonra pilot Ərzurumda təcili eniş etmək qərarına gəlib.

Hava limanına gələn polis əməkdaşları 4 sərnişini saxlayıb və onlar sorğu-sual ediliblər. Daha sonra isə tibbi müayinədən keçmək üçün xəstəxanaya göndəriliblər.

Ukraynalı cütlük və Qazaxıstandan olan qadınların bir-birindən şikayət etdiyi bildirilib.

Təyyarə yanacaq doldurduqdan sonra Astanaya yola düşüb bir neçə saat sonra uğurla eniş edib.