19-02-2025, 11:00
A
+Rusiyanın paytaxtı Moskvada cütlük pivə üstündə dava edib.
Söz.az "Shot"-a istinadən xəbər verir ki, Vika adlı xanım evdə olan sonuncu pivəni içmək istəyib, amma həyat yoldaşı İldar qəfildən içkini ondan almaq qərarına gəlib.
Həmin an qadın pivə şüşəsini həyat yoldaşının başına vurub. Bundan sonra isə cütlük arasında dava düşüb. Həyat yoldaşının hərəkətindən hiddətlənən ər eyni addımı xanımına qarşı atıb.
Cütlük sakitləşəndən sonra xəstəxanaya gediblər.
Kişinin başından xəsarət aldığı məlum olub. Ancaq qadının vəziyyəti ciddiolub. Şöbədən onu Botkinskaya xəstəxanasına aparıblar. Ona kəllə-beyin travması, həmçinin üzündə, başında və qollarında əzilmiş xəsarətlər diaqnozu qoyulub.
Hazırda cütlüklə bağlı araşdırma aparılır.
