24-02-2025, 13:19
A
+Türkiyədə yeni doğulmuş qızını Antalya hava limanının tualetinə qoyan rusiyalı Yekaterina Burnazkinaya hökm oxunub.
Söz.az xəbər verir ki, bu barədə "RİA Novosti" məlumat yayıb.
O, körpəni öldürməyə cəhd etdiyi üçün 15 il müddətinə azadlıqdan məhrum edilib.
Qeyd edək ki, Burnazkina ötən ilin oktyabr ayında Türkiyənin Antalya şəhərində hava limanında tualetdə uşaq dünyaya gətirib və körpəni oraya atıb. Bundan sonra o, anası ilə birlikdə Rusiyaya qaçmağa cəhd edib. Körpə tualetdə tapılıb, qadınlar isə saxlanılaraq təyyarəyə buraxılmayıb.
Gənc anaya qarşı cinayət işi açılıb və o, istintaqa qədər həbs edilib. Dindirilmə zamanı Yekaterina hamiləlikdən xəbərinin olmadığını bildirib.
Rusiyanın Türkiyədəki Baş Konsulluğu qəyyumluq orqanları ilə birlikdə hava limanında tərk edilmiş qızın geri qaytarılması üçün sənədlərin hazırlanması üzərində işləyir.
Dövlət Dumasının sədr müavini Anna Kuznetsovanın bir qədər əvvəl bildirdiyi kimi, qız artıq Rusiya vətəndaşlığını qəbul edib və onun doğum haqqında şəhadətnaməsində bu statusu təsdiq edən qeyd yer alıb.
