Sevgilisindən şantajla pul alıb avtomobilini təmir etmək istədi

Rusiyanın Buryatiya respublikasında sevgilisini açıq-saçıq fotolarla şantaj edərək ontan pul alan kişi məhkəmə qarşısına çıxarılacaq.

Söz.az xarici KİV-ə istinadən xəbər verir ki, bu barədə Respublika Daxili İşlər Nazirliyi məlumat yayıb.

İstintaqın məlumatına görə, 20 yaşlı qız internet vasitəsilə gənc oğlanla tanış olub. Aralarında romantik münasibət yaranıb və o, sevgilisinə sözügedən fotoları göndərib.

Bir müddət sonra naməlum şəxs onunla əlaqə saxlayaraq ondan 15 min rubl tələb edib. İmtina edəcəyi halda isə şəkillərini yayacağı ilə hədələyib. Zərərçəkmiş tanımadığı şəxsə yeddi min rubl köçürüb, bundan sonra o, hesabı silib. Gənc qız hüquq-mühafizə orqanları ilə əlaqə saxlayıb.

Məlum olub ki, onun onlayn sevgilisi şantajda iştirak edib. 

19 yaşlı oğlan tanışlıq saytında saxta hesab açaraq qızdan pul tələb etməyə başlayıb. O, avtomobilinin təmirinə 15 min rubl xərcləməyi planlaşdırıb. 

Şübhəliyə qarşı rüşvətxorluq maddəsi ilə cinayət işi açılıb. O, 4 il müddətinə həbs oluna bilər.