Faciə baş verdi! Tikilməkdə olan körpü uçdu

Cənubi Koreyada faciəvi hadisə baş verib.

Söz.az xarici KİV-ə istinadən xəbər verir ki, tikintisi davam edən magistral yoldakı körpünün uçması nəticəsində 3 fəhlə həyatını itirib, 5 nəfər isə yaralanıb.

Yerli hakimiyyət orqanlarının məlumatına görə, insident yerli vaxtla saat 09:50 radələrində Seuldan təxminən 80 kilometr cənubda, Çeonan şəhəri yaxınlığında baş verib. 

Seul-Sejonq ekspress yolunda tikilməkdə olan körpünün 50 metr hündürlüyündəki beş yükdaşıyıcı tirin qopmasından sonra uçub. 

Hadisə zamanı tikintidə olan 8 fəhlə uçan körpünün altında qalıb. Bölgəyə çox sayda axtarış-xilasetmə və tibbi qruplar göndərilib. 

Qəzanın dəqiq səbəblərini müəyyən etmək üçün araşdırmalara başlanılıb.

Teymur Məmmədov