Honduras prezidentinin olduğu helikopter məcburi eniş etdi

Honduras prezidenti Siomara Kastronu daşıyan helikopter məcburi eniş edib.

Söz.az xarici KİV-ə istinadən xəbər verir ki, qəzaya səbəb əlverişsiz hava şəraiti olub. 

Hadisə San Pedro Suladan Tequsiqalpaya gedərkən baş verib. 

Səlahiyyətlilər əlverişsiz hava şəraiti səbəbindən uçuşun davam edə bilməyəcəyini və eniş qərarının təhlükəsizlik baxımından alındığını bildirib.

Honduras xarici işlər naziri Eduardo Enrike Reina insidentdən sonra sosial media hesabından açıqlama verərək, prezident Kastro və onu müşayiət edənlərin səhhətinin yaxşı olduğunu, təhlükəsiz şəkildə yollarına davam etdiklərini açıqlayıb.