Hamilə qadınlar oruc tuta bilər? - Risklər açıqlandı

Ramazan ayının gəlişi ilə övlad gözləyən qadınların ən çox maraqlandığı məsələlərdən biri də “Hamilə ikən oruc tuta bilərəmmi?” sualıdır. 

Söz.az "haberglobal"-a istinadən xəbər verir ki, sözügedən məsələ ilə bağlı türkiyəli həkim Nur Dokuzeylül Güngör açıqlama edib.

O, oruc tutaraq saatlar ac və susuz qalmaq, doğuş qüsurları, inkişaf geriliyi və vaxtından əvvəl doğuş kimi bəzi risklərə səbəb ola biləcəyini deyib.

“Oruc hamiləliyin hər mərhələsində fərqli risklər daşıya bilər, lakin ilk və son aylarda göstərəcəyi təsirlər bir-birindən fərqlidir. Xüsusilə ilk üç ay körpənin əsas orqanlarının inkişafında kritik bir dövr olduğundan daha təhlükəlidir. Bu dövrdə qida çatışmazlığı və susuzluq anadangəlmə qüsurlar və inkişaf geriliyi kimi ciddi sağlamlıq problemlərinə səbəb ola bilər. Bundan əlavə, bu dövrdə ürəkbulanma, qusma və orqanizimdə suyun çatışmazlığı daha tez-tez baş verə bilər. Hamiləliyin son üç ayında oruc tutmağın bəzi təhlükələri var, lakin körpə inkişaf etdiyi üçün bu dövrdə risklər bir qədər azala bilər", - deyə həkim bildirib.