Tramp bu gün Ukrayna ilə bağlı qərar verəcək

ABŞ prezidenti Donald Tramp Ukraynaya hərbi yardımı ləğv etməyi gözdən keçirəcək.

Söz.az xəbər verir ki, bu barədə "The New York Times" adı açıqlanmayan mənbələrə istinadən məlumat yayıb.

Məlumata görə, ABŞ prezidenti martın 3-də dövlət katibi Marko Rubio və müdafiə naziri Pit Heqset də daxil olmaqla, milli təhlükəsizlik üzrə yüksək səviyyəli köməkçiləri ilə görüşəcək. 

Görüşdə Ukrayna ilə bağlı gələcək siyasət variantları müzakirə olunacaq.

Nəşrin mənbəsinin sözlərinə görə, Tramp tabeliyində olan şəxslərlə Ukraynaya hərbi yardımın dayandırılması ay da ləğv edilməsi imkanlarını, o cümlədən Bayden administrasiyası dövründə icazə verilmiş və ödənişi ödənilmiş sursat və avadanlıqların tədarükü məsələsini müzakirə edəcək.