Bayden Tramp tərəfdarlarını “zibil” adlandırdı

ABŞ prezidenti Co Bayden prezidentliyə namizəd Donald Trampın tərəfdarlarını “zibil” adlandırıb.
Söz.az xarici KİV-ə istinadən xəbər verir ki, Bayden bunu “Voto Latino” insan haqları qrupunun təşkil etdiyi video konfransında deyib. 
“Gördüyüm yeganə zibil onun tərəfdarlarıdır. Onun latın amerikalıları demonizasiyası vicdansız və qeyri-amerikan addımdır”.
ABŞ prezidenti daha sonra bu sözləri təkzib edərək, “zibil” dedikdə Trampın mitinqlərindən birində eşidilən “nifrət dolu ritorika”nı nəzərdə tutduğunu vurğulayıb.
Tramp da öz növbəsində daha əvvəl demokratların immiqrasiya siyasətinə görə ABŞ-nin dünya üçün zibilxanaya çevrildiyini bildirib.