İranda güclü zəlzələ! Çox sayda xəsarət alan var

İranın Şimalı Semnan əyalətində yerləşən Germsar şəhəri yaxınlığında 4,8 maqnitudalı zəlzələ baş verib.

Söz.az “Qafqazinfo”-ya istinadən xəbər verir ki, bu barədə IRNA agentliyi xəbər yayıb.

Qeyd edilir ki, zəlzələ ocağı 11 kilometr dərinlikdə yerləşib və şəhərdə hiss edilib.

Germsarın prefekti Reza Hani bildirib ki, zəlzələ nəticəsində bir neçə yaşayış evində elektrik enerjisi və internet xidməti kəsilib.

Məlumata görə, zəlzələ Tehranda və onun ətrafındakı Kerec şəhərində də hiss edilib.

Zəlzələ nəticəsində xəsarət alanların sayı 24-ə yüksəlib.