İtkin düşən məşhur aktrisaya nə olub? Bacısı danışdı

“Gossip Girl” serialı ilə məşhurlaşan Amerikalı aktrisa Şanel Benks itkin düşüb.

Söz.az “Daily Mail”ə istinadən xəbər verir ki,  36 yaşlı məşhur Los-Ancelesdə yaşayıb, bir neçə həftə əvvəl isə müəmmalı şəkildə yoxa çıxıb. 

Mətbuatda yayılan xəbərlərə görə, aktrisa sonuncu dəfə oktyabrın 30-da yaxınları ilə əlaqə saxlayıb. O, hazırda polislə əməkdaşlıq edən və axtarışların təşkili üçün vəsait toplayan əmisi oğlu Daniellə mesaj göndərib. Televiziya ulduzunun həyat yoldaşı  isə axtarışlarda iştirak etmək istəməyib. O, bildirib ki, Şanel Benks onun tapılmasını istəmir.  

Aktrisanın bacısı və anası Şanelin mənzilinə daxil ola bilib. Yaxınlarının dediyinə görə, onun bütün əşyaları evdə qalıb. Çatışmayan tək şey telefon və noutbuk olub. Banksın əri həmin an özünü qəribə aparıb.

“O, heç vaxt anasına və ya mənə demədən bir yerə getməzdi. Noyabrın 10-da ərinin dodağının yarıldığını, boynunda və qollarında izlər və cızıqlar olduğunu gördük”, - deyə məşhurun bacısı bildirib.