14-11-2024, 20:33
A
+Kraliça II Yelizavetanın tacqoyma mərasimində taxılan, Mari Antuanettanın qalmaqallı süqutu ilə əlaqəsi olduğu deyilən sirli brilyant boyunbağı Cenevrədə keçirilən hərracda 4,8 milyon dollara satılıb.
Söz.az xarici KİV-ə istinadən xəbər verir ki, təxminən 300 karatlıq brilyantlarla bəzədilmiş 18-ci əsrə aid antik boyunbağının “Sotheby's” Hərrac Evində keçirilən satışda 1,8 ilə 2,8 milyon dollar arasında satılacağı gözlənilib.
Lakin gərgin rəqabətdən sonra yekun qiymət vergilər və komissiyalar daxil olmaqla 4,26 milyon İsveçrə frankı olaraq qeydə alınıb.
Boyunbağı hərraca telefon bağlantısı ilə qatılan anonim alıcıya satılıb.
