Bu gün, 12:02
A
+ABŞ-nin yeni seçilmiş prezidenti Donald Tramp seçki kampaniyası şüarı və ölkənin milli quşu hesab edilən ağbaş qartal təsviri olan gitaraların satışına başlayıb.
Söz.az TASS-a istinadən xəbər verir ki, o, bu barədə “Truth Social” platformasında yazıb.
"Tezliklə satışda! "45" gitaraların məhdud sayda buraxılışı. Yalnız 1,3 min nüsxə akustik gitara və elektrogitara - onlardan bəzilərini şəxsnə mən imzalamışam!”, - deyə Donald Tramp bildirib.
Gitaranın qiyməti modelindən asılı olaraq 1000 dollardan 1500 dollara qədərdir. Eyni zamanda, respublikaçının özünün imzası olan gitaranı almaq istəyənlər 10-10,5 min dollar ödəməlidirlər.
