179 nəfərin öldüyü təyyarə qəzası ilə bağlı açıqlama

Cənubi Koreyanın Muan Beynəlxalq Hava Limanında baş verən və 179 nəfərin həyatına son qoyan "Jeju Air" şurkətinə məxsus təyyarə qəzasının ilkin hesabatı tamamlanıb.

Söz.az xarici KİV-ə istinadən xəbər verir ki, bu barədə Cənubi Koreyanın Aviasiya və Dəmir Yolu Qəzalarını Araşdırma Şurası məlumat yayıb. 

Hesabatda təyyarənin hər iki mühərrikində köçəri ördək növünə aid DNT nümunələrinin tapıldığı bildirilib: "Hər iki mühərrikə baxış keçirildi. Lələk və qan ləkələri aşkar edildi". 

Qeyd edək ki, Taylandın Banqkok şəhərindən havaya qalxan "Jeju Air" şirkətinə məxsus "7C2216" nömrəli "Boeing 737-800" tipli təyyarə dekabrın 29-da Muan Beynəlxalq Hava Limanına eniş zamanı uçuş-enmə zolağının sonundakı divara çırpılıb. Qəzada 179 nəfər həyatını itirərkən, təyyarədən yalnız iki kabin heyəti üzvü yaralı olaraq xilas ola bilib.