Qocalar evində güclü yanğın - Ölənlər var

İordaniyanın paytaxtı Əmmanda qocalar evində baş verən yanğında 6 nəfər ölüb, 60 nəfər yaralanıb.

Söz.az "Anadolu" agentliyinə istinadən xəbər verir ki, yaralılardan 5-nin vəziyyətinin ağır olduğu bildirilib.

Yanğınla bağlı İordaniyanın sosial inkişaf naziri Vefa Beni Mustafa bildirib ki, yanğın 111 nəfərin qaldığı özəl qocalar evinin birinci mərtəbəsində baş verib. 

Altı nəfərin həyatını itirdiyini, beşinin ağır olmaqla 60 nəfərin yaralandığını bildirən Beni Mustafa, yaralıların xəstəxanalara, digər yaşlıların isə müxtəlif mərkəzlərə təxliyə edildiyini açıqlayıb.

Yanğının səbəbləri ilə bağlı araşdırmalar davam edir.

İordaniyanın baş naziri Cafer Həsən yanğınla bağlı verdiyi açıqlamada, hökumətin yaralılara bütün lazımi tibbi yardımı göstərdiyini bildirib.