Məşhur müğənninin keçmiş əri ölü tapıldı

Rusiyanın məşhur müğənnisi Anna Sedakovanın keçmiş həyat yoldaşı, latviyalı basketbolçu Yanis Timma Moskvada ölü tapılıb.

Söz.az xəbər verir ki, bu barədə "112" "Telegram" kanalı məlumat yayıb. 

İlkin məlumata görə, idmançının ölümünə səbəb intihar olub. 

Basketbolçunun meyiti Moskvanın mərkəzində beşmərtəbəli binanın girişində tapılıb. Onun yaxınlığında telefon olub. Telefonun ekranında müğənninin nömrəsi və ona zəng etmək xahişi var olub.

Bir gün əvvəl Yanis Timma keçmiş həyat yoldaşını ad günü münasibətilə təbrik edib. İdmançı sənətçinin iştirakı ilə video yayımlayıb.

Qeyd edək ki, Anna Sedakova və Yanis Timma 6 sentyabr 2020-ci ildə evləniblər. 2024-cü ilin oktyabrında müğənni boşanmaq üçün məhkəməyə müraciət edib. Onlar dekabrda boşanıblar.