Dünən, 08:40
A
+1968-ci ildə rejissor Franko Zeffirellinin "Oskar" mükafatına layiq görülmüş "Romeo və Cülyetta" filmindəki baş rolu ilə tanınan britaniyalı aktrisa Oliviya Hassi 73 yaşında vəfat edib.
Söz.az xəbər verir ki, bu barədə "Daily Mail" onun ailəsinə istinadən məlumat yayıb.
Aktrisa katolik Milad bayramından iki gün sonra evində dünyasını dəyişib.
Qeyd edək ki, Hassi 15 yaşında Uilyam Şekspirin pyesinin filmə uyğunlaşdırılmasında çəkildiyi zaman populyarlıq qazanıb.
1974-cü ildə "Qara Milad" və 1978-ci ildə "Nildə Ölüm" də daxil olmaqla 50-dən çox filmdə rol alıb.
