Oteldə dəhşətli yanğın - Ölənlər var

 Taylandın paytaxtı Banqkokun turizm bölgələrindən biri olan Xaosanda oteldə naməlum səbəbdən yanğın baş verib. 

Söz.az xarici KİV-ə istinadən xəbər verir ki, altımərtəbəli otel binasının 5-ci mərtəbəsində başlayan yanğın zamanı ən üst mərtəbədəki kafedə onlarla insan xilas olmaq üçün təşviş içində bir müddət gözləyib. 

Yanğınsöndürmə qrupu insanların sıx olduğu ərazidə və dar küçədə yerləşən otelə çatmaqda çətinlik çəkib.

Yanğınsöndürənlər tərəfindən nəzarət altına alınan yanğında braziliyalı turistin hadisə yerində, xəsarət alan ABŞ və Ukrayna vətəndaşının isə aparıldıqları xəstəxanada dünyasını dəyişdiyi bildirilib. 

Ümumilikdə 34 nəfər xilas edilib. Xəstəxanaya çatdırılan 7 yaralının müalicəsi davam edir.