Bu gün, 12:33
A
+Naməlum şəxslər Ermənistanın baş nazir Nikol Paşinyanın qaynı, "Vətəndaş Müqaviləsi Partiyası"nın deputatı Qraçya Akopyanın malikanəsini qarət ediblər.
Söz.az xəbər verir ki, bu barədə “Hraparak” qəzeti məlumat yayıb.
Nəşrin yazdığına görə, soyğunçuluq ilin əvvəlində baş verib, lakin Akopyan bu faktı gizlətməyə çalışıb və bunu müxtəlif növ spekulyasiyalar yaratmaq istəməməsi ilə izah edib.
Hadisə isə partiyadaxili dairələrdə fəal müzakirə olunur.
Nəşr iddia edib ki, bəziləri istehza ilə deputat səfərlərə getmək əvəzinə ailə məsələlərinə daha çox vaxt ayırsaydı, oğurluğun qarşısını almaq olardı.
Daxili İşlər Nazirliyi faktı təsdiqləyib.
Bildirilib ki, yanvarın 14-də Dzoraxbyur kəndində evdən oğurluq edilməsi barədə məlumat daxil olub, materiallar İstintaq Komitəsinə göndərilib.
Məlumata görə, malikanə Akopyan tərəfindən Ermənistanda hakimiyyət dəyişikliyindən sonra alınıb.
