Bu gün, 08:43
A
+Rusiyanın Samara şəhərində bir qrup sərxoş şəxs Kirovski Rayon Şurasının deputatı Sergey Turusinə hücum edib.
Söz.az ren.tv-yə istinadən xəbər verir ki, bu barədə Dövlət Dumasının deputatı Mixail Matveyev bildirib.
Onun sözlərinə görə, deputata tanışı zəng edərək bildirib ki, 3 nəfər onun yaşadığı yataqxanada yerli sakini döyüb. Qız təcili yardım çağırıb, daha sonra isə əraziyə polislər gəlib.
Gələn polislər qıza gecəni başqa yerdə keçirməyi məsləhət görüblər. Buna səbəb isə alkoqoldan istifadə edən şəxslərin qisas alma ehtimalı olub.
Turusin qızı onu rəfiqəsinin yanına aparmağa gəlib. Lakin deputatın maşınına bir qrup şəxs hücum edib.
Onlar deputatın avtomobilini mühasirəyə alıb, şüşələri sındırmağa və bıçaqla hücum etməyə çalışıblar. Ondan qaçan şəxsi təhvil verməsini tələb ediblər.
Nəticədə Turusin travmatik tapançadan atəş açmalı olub.
Hüquq-mühafizə orqanları hələlik bu məlumatı şərh etməyiblər.
Hadisənin təfərrüatları müəyyənləşdirilir.
